പാലക്കാട് : വള്ളത്തോള്‍ നഗര്‍ – വടക്കാഞ്ചേരി സെക്ഷനിലെ ട്രാക്ക് അറ്റകുറ്റപ്പണി നടക്കുന്നതിനാൽ ഒക്ടോബര്‍ 28ന് നാല് ട്രെയിന്‍ സര്‍വീസുകള്‍ ഭാഗികമായി റദ്ദാക്കും. നിലമ്പൂരില്‍ നിന്ന് പുറപ്പെടേണ്ട 06325 നിലമ്പൂര്‍ റോഡ്-കോട്ടയം ഡെയ്‌ലി എക്സ്പ്രസ് വ്യാഴാഴ്ച തൃശൂരില്‍ നിന്നാണ് സര്‍വീസ് ആരംഭിക്കുക. വ്യാഴാഴ്ച കണ്ണൂരില്‍ നിന്ന് പുറപ്പെടുന്ന 06306 കണ്ണൂര്‍-എറണാകുളം ജംഗ്ഷന്‍ ഇന്‍റര്‍സിറ്റി എക്സ്പ്രസ് ഷൊര്‍ണൂര്‍ ജംഗ്ഷനില് യാത്ര അവസാനിക്കും.
ബുധനാഴ്ച തിരുനെല്‍വേലിയില്‍ നിന്നും പുറപ്പെടുന്ന 06791 തിരുനെല്‍വേലി ജംഗ്ഷന്‍-പാലക്കാട് ജംഗ്ഷന്‍ പാലരുവി എക്സ്പ്രസ് തൃശൂരില്‍ യാത്ര അവസാനിപ്പിക്കും. തൃശൂരിനും പാലക്കാടിനും ഇടയില്‍ സര്‍വീസ് ഉണ്ടായിരിക്കില്ല. വ്യാഴാഴ്ച പാലക്കാട് ജംഗ്ഷനില് നിന്നും പുറപ്പെടേണ്ട 06792 പാലക്കാട് ജംഗ്ഷന്‍-തിരുനെല്‍വേലി ജംഗ്ഷന്‍ പാലരുവി എക്സ്പ്രസ് തൃശൂരില്‍ നിന്നാണ് സര്‍വീസ് ആരംഭിക്കുക.
