കൊച്ചി : പോപ്പുലര് ഫ്രണ്ട് ഓഫ് ഇന്ത്യ (പി എഫ് ഐ) പ്രവര്ത്തകര്ക്ക് ജീവന് രക്ഷാ പരിശീലനം നല്കിയത് വിവാദമായ പശ്ചാത്തലത്തില് നടപടിയുമായി അഗ്നിശമന സേന. രണ്ട് ഉദ്യോഗസ്ഥരെ സസ്പെന്ഡ് ചെയ്യുകയും മൂന്ന് പേരെ സ്ഥലം മാറ്റുകയും ചെയ്തു. വകുപ്പുതല അന്വേഷണവും പ്രഖ്യാപിച്ചിട്ടുണ്ട്. റീജ്യനല് ഓഫീസര് കെ കെ ഷിജു, ജില്ലാ ഓഫീസര് എസ് എസ് ജോഗി എന്നിവര്ക്കാണ് സസ്പെന്ഷന്. പരിശീലനം നല്കിയ മൂന്ന് പേരെയാണ് സ്ഥലംമാറ്റിയത്. ആലുവയില് പോപ്പുലര് ഫ്രണ്ട് പ്രവര്ത്തകര്ക്ക് അഗ്നിശമനസേനാംഗങ്ങള് പരിശീലനം നല്കിയതില് ഗുരുതര വീഴ്ച സംഭവിച്ചതായി ആഭ്യന്തര സെക്രട്ടറിക്ക് ബി സന്ധ്യ നേരത്തെ റിപ്പോര്ട്ട് നല്കിയിരുന്നു.
