റാന്നി : സമൂഹത്തിലെ അതി ദരിദ്രരെ കണ്ടെത്തി അവർക്ക് ഉപജീവനത്തിനുള്ള സൂഷ്മ സംരംഭങ്ങൾ ആരംഭിക്കുന്ന പദ്ധതിയുടെ ഭാഗമായി പെരുനാട് പഞ്ചായത്തിലെ വാർഡുതല ജനകീയ സമിതിക്കുള്ള ദ്വിദിന പരിശീലനം ആരംഭിച്ചു. പരിശീലനം ഗ്രാമ പഞ്ചായത്ത് പ്രസിഡൻ്റ് പി. എസ് മോഹനൻ ഉദ്ഘാടനം ചെയ്തു. വൈസ് പ്രസിഡൻ്റ് ഡി. ശ്രീകല അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്ഥിരം സമിതി അദ്ധ്യക്ഷൻ എം.എസ് ശ്യാം, അംഗങ്ങളായ അജിതാ റാണി, റ്റി.ആർ രാജം എന്നിവർ പ്രസംഗിച്ചു. കില ബ്ലോക്ക് കോർഡിനേറ്റർ വി. കെ രാജഗോപാൽ, ഫാക്കൽട്ടി അംഗങ്ങളായ കെ.വി നാരായണൻ, നിഷാ ഗോപിനാഥ്, എൻ.ബാലകൃഷ്ണപിള്ള എന്നിവർ ക്ലാസെടുത്തു.
