തൃശ്ശൂര്: മണ്ണുത്തി വെറ്ററിനറി കോളെജ് ഗ്രൗണ്ടില് നടക്കുന്ന ശ്വാന പ്രദര്ശനത്തിനിടെ വാകമരം കടപുഴകിവീണ് മൂന്നുപേര്ക്ക് പരിക്ക്.പരിക്കേറ്റവരില് ഓരാളുടെ നില ഗുരുതരമാണ്. ഞായറാഴ്ച ഉച്ചയ്ക്ക് 12.15 ഓടെയായിരുന്നു സംഭവം.തൃശ്ശൂര് കെന്നല് ക്ലബ്ബിന്റെ നേതൃത്വത്തില് നടത്തുന്ന പ്രദര്ശനത്തില് പങ്കെടുക്കാന് മറ്റു സംസ്ഥാനങ്ങളില്നിന്നും ധാരാളം ആളുകള് നായ്ക്കളുമായി എത്തിയിരുന്നു.അപകടത്തില് നിരവധി വാഹനങ്ങള് തകര്ന്നു.തൊട്ടടുത്ത ചെറുമരത്തില് തടഞ്ഞ് കാമ്പസിനുള്ളിലെ റോഡിലേയ്ക്കാണ് മരം വീണത്. മറുവശത്തേയ്ക്ക് വീണിരുന്നെങ്കില് കൂടുതല് വാഹനങ്ങള് തകരുമായിരുന്നു. കടപുഴകി വീഴുന്ന ശബ്ദം കേട്ട് മരത്തിന് കീഴിലുണ്ടായിരുന്ന പലരും ഓടിരക്ഷപ്പെടുകയും ചെയ്തു.
