തിരുവനനന്തപുരം : രാജ്യത്ത് ആദ്യമായി ഗോത്രവർഗ മാനേജ്മെന്റിന് കീഴിൽ ആദ്യ ഉന്നതവിദ്യാഭ്യാസ സ്ഥാപനം അനുവദിച്ച് സർക്കാർ. ഇടുക്കി ജില്ലയിലെ തൊടുപുഴ താലൂക്കില് അറക്കളം വില്ലേജിലാണ് ഐക്യമലയരയ മഹാസഭയുടെ വിദ്യാഭ്യാസ ഏജന്സിയായ മലയരയ എഡ്യൂക്കേഷണല് ട്രസ്റ്റിനു കീഴില് ട്രൈബല് കോളേജ് അനുവദിച്ചിരിക്കുന്നത്. ബി.എ എക്കണോമിക്സ്, ബി.എസ്.സി. ഫുഡ് സയന്സ് ആന്റ് ക്വാളിറ്റി കണ്ട്രോള് എന്നീ കോഴ്സുകളാണുണ്ടാവുക. ഉന്നതവിദ്യാഭ്യാസ വകുപ്പ് മന്ത്രി ആർ ബിന്ദു ഫേസ്ബുക്ക് പോസ്റ്റിലാണ് ഇക്കാര്യം അറിയിച്ചിരിക്കുന്നത്.
