തിരുവൻവണ്ടൂർ ഗവ. ഹൈസ്‌കൂള്‍പ്പടി- നന്നാട് – ഈരടിച്ചിറ റോഡ് ഒക്ടോബറിൽ തുറന്നേക്കും

ചെങ്ങന്നൂർ : ദീർഘനാളത്തെ കാത്തിരിപ്പിനൊടുവില്‍ തിരുവൻവണ്ടൂർ ഗവ. ഹൈസ്‌കൂള്‍പ്പടി- നന്നാട് -ഈരടിച്ചിറ റോഡ് ഒക്ടോബറിൽ തുറന്നേക്കും. റീബില്‍ഡ് കേരള പദ്ധതിയില്‍ ഉള്‍പ്പെടുത്തി 5.5 കോടി ചെലവഴിച്ചാണ് റോഡ് നിര്‍മിക്കുന്നത്. നിലവില്‍ ടാറിങ് പൂര്‍ത്തിയാക്കി പാലത്തിന്റെ പണി നടക്കുകയാണ്. പ്രധാന പാലത്തിന്റെ പൈല്‍ ക്യാപ്പിങ് നടന്നു വരികയാണ്. ആഴ്ചകൾക്കുള്ളില്‍ പൂര്‍ത്തീകരിക്കാന്‍ സാധിക്കുമെന്നാണ് പ്രതീക്ഷിക്കുന്നത്. കഴിഞ്ഞ ദിവസം മന്ത്രി സജി ചെറിയാന്‍ റോഡിന്റെ നിര്‍മാണ പുരോഗതി വിലയിരുത്തി.

മൂന്നു കിലോമീറ്റര്‍ വരുന്ന റോഡില്‍ മൂന്നു പാലങ്ങളാണ് വരുന്നത്. റോഡു തുടങ്ങുന്നിടത്തും അവസാനിക്കുന്നയിടത്തുമായി ഓരോ പാലങ്ങളാണുള്ളത്. ഇവയുടെ നിര്‍മാണം പൂര്‍ത്തിയായി. എന്നാല്‍ ഏറ്റവും പ്രധാനപ്പെട്ട വരട്ടാറിന് കുറുകെയുള്ള പുത്തന്‍തോട് പാലത്തിന്റെ നിര്‍മാണം എങ്ങുമെത്താത്തതാണ് പ്രദേശവാസികളെ ആശങ്കയിലാക്കുന്നത്. 2021- ഡിസംബർ 13-ന് ആണ് പഴയപാലം പൊളിച്ചത്. പാലം പൊളിച്ചതിനാല്‍ വരട്ടാറിനു കുറുകെ നിർമ്മിച്ച ഇരുമ്പു തകിടുകൊണ്ടുള്ള താത്കാലിക പാലം ചുറ്റിവളഞ്ഞു വേണം സഞ്ചരിക്കാന്‍.

കഴിഞ്ഞ മാസം പെയ്ത മഴയില്‍ വെള്ളമുയര്‍ന്നപ്പോള്‍ അക്കരെയിക്കരെ കടക്കാന്‍ പ്രദേശവാസികള്‍ ഏറെ ബുദ്ധിമുട്ടിയിരുന്നു. ആദ്യം തയ്യാറാക്കിയ പാലത്തിന്റെ രൂപരേഖയില്‍ മാറ്റം വരുത്തി പുതിയ രൂപരേഖ വേണ്ടിവന്നതാണ് പാലം പണി താമസിക്കാന്‍ കാരണമായത്. റീബില്‍ഡ് പദ്ധതികള്‍ 2024 ജനുവരി 31-ന് മുന്‍പ് പൂര്‍ത്തിയാക്കണമെന്നാണ് സര്‍ക്കാര്‍ നിര്‍ദേശം. എന്നാല്‍ ചെങ്ങന്നൂര്‍ മണ്ഡലത്തില റീബില്‍ഡ് കേരള പദ്ധതികള്‍ ഒക്ടോബറില്‍ പൂര്‍ത്തിയാകുമെന്നാണ് റിബില്‍ഡ് കേരള അധികൃതര്‍ പറയുന്നത്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033