അഹമ്മദാബാദ്: സാനിറ്ററി നാപ്കിനുള്ളിൽ ഒളിപ്പിച്ച് സ്വർണം കടത്താൻ ശ്രമിച്ച യുവതി വിമാനത്താവളത്തിനുള്ളിൽ പിടിയിൽ. അബുദാബിയിൽ നിന്ന് അഹമ്മദാബാദിലേക്ക് വന്ന സ്ത്രീയെ അഹമ്മദാബാദിലെ സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ നിന്നുമാണ് കസ്റ്റഡിയിലെടുത്തത്.
763.360 ഗ്രാം സ്വർണം പേസ്റ്റ് രൂപത്തിലാക്കിയാണ് ഇവർ കടത്താൻ ശ്രമിച്ചത്. പിടിച്ചെടുത്ത സ്വർണത്തിന്റെ വിപണി മൂല്യം 49,07,641 രൂപയാണെന്ന് കസ്റ്റംസ് ഉദ്യോഗസ്ഥർ പറഞ്ഞു. ഇവരെ ചോദ്യം ചെയ്തു വരികയാണ്.
