കോഴിക്കോട് : ലോകകപ്പ് മത്സരം ടി വിയിൽ കാണാന് പോകുന്നതിനിടെ കിണറ്റില് വീണ വിദ്യാര്ഥി മരിച്ചു. അര്ദ്ധ രാത്രിയില് നടന്ന അര്ജന്റീന – ഓസ്ട്രേലിയ മത്സരം ടി വിയില് കാണാനായി പോകുന്നതിനിടെയാണ് അപകടത്തിൽപ്പെട്ടത്. മാവൂര് സ്വദേശി നാദിര് ആണ് മരിച്ചത്. പുലർച്ചെ ഒന്നരയോടെയാണ് ഹോസ്റ്റലിന് സമീപത്തെ കിണറ്റിൽ നാദിറിനെ മരിച്ച നിലയിൽ കണ്ടെത്തിയത്. മലപ്പുറം പെരുവള്ളൂരിലെ നജാസ് ഹയര് സെക്കന്ഡറി സ്കൂള് വിദ്യാര്ഥിയായ നജാത്ത് സ്കൂളിൽ ഹോസ്റ്റലിൽ താമസിച്ചാണ് പഠിക്കുന്നത്.
കോഴിക്കോട് മാവൂർ സ്വദേശി കണ്ണംപിലാക്കൽ പറമ്പിൽ ഹംസക്കോയയുടെയും നഫീസയുടെയും മകനാണ്. രാത്രിയിൽ ലോകകപ്പ് ഫുട്ബോൾ മത്സരം കാണാനായി പുറത്ത് പോകുന്നതിനിടെ കിണറ്റിൽ വീണതാകാമെന്ന് സംശയിക്കുന്നതായി അധികൃതർ പറഞ്ഞു. പരിചയമില്ലാത്ത സ്ഥലമായതിനാൽ നായ്ക്കളെ കണ്ടപ്പോൾ മാറി നിൽക്കവേ ആൾമറയില്ലാത്ത കിണറിൽ വീഴുകയായിരുന്നുവെന്നാണ് നിഗമനം.
