ഇരുചക്ര – മുച്ചക്ര വാഹന നിര്മാതാക്കളായ ടിവിഎസ് മോട്ടോര് കമ്പനി ഐക്യൂബ് സ്കൂട്ടറുകളുടെ വില പുതുക്കി നിശ്ചയിച്ചു. സബ്സിഡി ആനുകൂല്യങ്ങള് വെട്ടിക്കുറച്ചതിനെ തുടര്ന്നുള്ള മുഴുവന് ഭാരവും ഉപഭോക്താക്കളില് അടിച്ചേല്പ്പിക്കാതെയാണ് പുതിയ വില പ്രഖ്യാപിച്ചിരിക്കുന്നതെന്ന് ടിവിഎസ് വാര്ത്താക്കുറിപ്പില് അറിയിച്ചു. ടിവിഎസിന്റെ ഉപഭോക്തൃ കേന്ദ്രീകൃതമായ സസ്റ്റൈനബിള് ഫ്യൂച്ചര് മൊബിലിറ്റി സൊലൂഷന്സ് അനുസൃതമായാണ് ഈ നടപടിയെന്നും കമ്പനി അറിയിച്ചു.
2023 മെയ് 20 വരെ ടിവിഎസ് ഐക്യൂബ് ബുക്ക് ചെയ്ത ഉപഭോക്താക്കള്ക്ക് ഫെയിം രണ്ട് സബ്സിഡി പുനരവലോകനത്തിന് ശേഷമുള്ള ചെലവ് ഭാരം ലഘൂകരിക്കുന്നതിന് കമ്പനി ഒരു ലോയല്റ്റി ബെനിഫിറ്റ് പ്രോഗ്രാം ലഭ്യമാക്കും. കൂടാതെ പുതിയ ഉപഭോക്താക്കള്ക്ക് 2023 ജൂണ് ഒന്ന് മുതല് വാഹനം ബുക്ക് ചെയ്യുമ്പോള് ഫെയിം രണ്ട് പുനരവലോകനത്തിന്റെ പൂര്ണ ഭാരം വഹിക്കാതെ തന്നെ പുതിയ വിലയില് വാഹനം സ്വന്തമാക്കാനും കഴിയും. 2023 ജൂണ് 1 മുതല് വിവിധ മോഡലുകള്ക്ക് അനുസൃതമായി 17,000 മുതല് 22,000 രൂപയുടെ വരെ വര്ധനവാണ് ടിവിഎസ് ഐക്യൂബിനുണ്ടാവുക. 2023 മെയ് 20ന് മുമ്പ് മുന്കൂട്ടി ബുക്ക് ചെയ്ത ഉപഭോക്താക്കള്ക്ക് അധിക ലോയല്റ്റി ആനുകൂല്യവും നല്കും.
