കാട്ടാക്കട: പട്ടാപകൽ റോഡിലൂടെ നടന്നുപോയ വീട്ടമ്മയുടെ മാല കവർന്ന കേസിൽ രണ്ടുപേർ പൊലീസ് പിടിയിൽ. മലയിൻകീഴ് കുഴിമം വൃന്ദാവൻ വീട്ടിൽ അഭിഷേക് (23), മലയിൻകീഴ് അണപ്പാട് കൃഷ്ണകൃപയിൽ അർജുൻ (21) എന്നിവരെയാണ് പിടികൂടിയത്. നെയ്യാർഡാം പൊലീസ് ആണ് ഇവരെ പിടികൂടിയത്. കഴിഞ്ഞ 24-ന് ആണ് കേസിനാസ്പദമായ സംഭവം നടന്നത്. റോഡിലൂടെ നടന്നു പോയ ജയകുമാരിയുടെ മാല കവർന്ന കേസിലാണ് അറസ്റ്റ്. പ്രതികൾ മോഷണത്തിന് ഉപയോഗിച്ച ബൈക്കും കണ്ടെത്തി. ഇവർ അമ്പൂരിയിലും ഇതേ രീതിയിൽ മാല പിടിച്ചു പറിച്ചിരുന്നു. അമ്പൂരി പാലവിള വീട്ടിൽ ശോഭിയുടെ ഒന്നരപവന്റെ മാലയാണ് കവർന്നത്. കാട്ടാക്കട ഡിവൈഎസ്പി ഷിബുവിന്റെ നേതൃത്വത്തിൽ നെയ്യാർഡാം എസ്ഐ എസ്.മനോജ്, എസ് ഐ റെജി ലൂക്കോസ് എന്നിവർ ഉൾപ്പെട്ട ടീമാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
