ഇംഫാൽ : മണിപ്പൂരിലെ നോനി ജില്ലയിൽ വിദ്യാർത്ഥികളുമായി പോയ രണ്ട് ബസുകൾ നിയന്ത്രണം നഷ്ടപ്പെട്ടുണ്ടായ അപകടത്തിൽ 15 വിദ്യാർത്ഥികൾ മരിച്ചതായി റിപ്പോർട്ട്. ബിസ്‌നുപൂർ – ഖൗപും റോഡിലാണ് ഇന്ന് അപകടം നടന്നത്. യാരിപോക്കിലെ തമ്പൽനു ഹയർസെക്കൻഡറി സ്‌കൂളിൽ നിന്ന് വിദ്യാർത്ഥികളുമായി രണ്ട് ബസുകൾ പഠനയാത്രയ്ക്കായി ഖൗപും ഭാഗത്തേയ്ക്ക് പോകുന്നതിന് ഇടയിലാണ് അപകടമുണ്ടായത്. പരിക്കേറ്റ വിദ്യാർത്ഥികളെ ഇംഫാലിലെ ആശുപത്രിയിൽ പ്രവേശിപ്പിച്ചിരിക്കുകയാണ്.
