കോട്ടയം : മീനച്ചിലാറ്റില് കുളിക്കാനിറങ്ങിയ രണ്ട് കുട്ടികള് മുങ്ങിമരിച്ചു. പേരൂര് പള്ളിക്കുന്നേല് കടവിലാണ് സംഭവം. മാന്നാനം സെന്റ് എഫ്രേംസ് സ്കൂള് വിദ്യാര്ത്ഥി ചെറുവാണ്ടൂര് വെട്ടിക്കല് വീട്ടില് സുനിലിന്റെ മകന് നവീന് (15), ഏറ്റുമാനൂര് ബോയ്സ് ഹൈസ്കൂള് വിദ്യാര്ത്ഥി ചെറുവാണ്ടൂര് കിഴക്കേ മാന്തോട്ടത്തില് ലിജോയുടെ മകന് അമല് (16) എന്നിവരാണ് മരിച്ചത്. നാലു കുട്ടികളാണ് പള്ളിക്കുന്നേല് കടവില് കുളിക്കാനെത്തിയത്. ഉച്ചയ്ക്ക് ഒരു മണിയോടെയാണ് അപകടമുണ്ടായത്. രണ്ടുപേര് ഒഴുക്കിപ്പെട്ട് കാല്വഴുതി മുങ്ങിത്താഴുകയായിരുന്നു.
