കണ്ണൂര് : പീഡന പരാതി ഉയര്ന്ന സി.പി.എം കണിച്ചാര് ലോക്കല് സെക്രട്ടറിയും പേരാവൂര് ഏരിയ കമ്മിറ്റി അംഗവുമായ കെ.കെ ശ്രീജിത്തിനെതിരെ നടപടി. ജില്ലാ സെക്രട്ടറി എം.വി ജയരാജന്റെ നേതൃത്വത്തില് അടിയന്തര ഏരിയ കമ്മിറ്റി യോഗം ചേര്ന്നായിരുന്നു നടപടിയെടുത്തത്. ലോക്കല് സെക്രട്ടറി, ഏരിയ കമ്മിറ്റി അംഗം, സര്വീസ് സഹകരണ ബാങ്ക് പ്രസിഡന്റ് തുടങ്ങി തെരഞ്ഞടുക്കപ്പെട്ട സ്ഥാനങ്ങളില് നിന്നാണ് നീക്കിയത്. പാര്ട്ടി അംഗമായി തുടരും.
ഡി.വൈ.എഫ്.ഐ വനിതാ നേതാവാണ് ഡി.വൈ.എഫ്.ഐയുടെ മുന് ജില്ലാ സെക്രട്ടറിയേറ്റ് അംഗം കൂടിയായിരുന്ന ഇയാള്ക്കെതിരെ പീഡന പരാതി നല്കിയത്. ഡി.വൈ.എഫ്.ഐ ജില്ലാ സമ്മേളനത്തിന് പോകവെ പീഡിപ്പിക്കാന് ശ്രമിച്ചെന്നാണ് പരാതി. ഏപ്രില് 22 നാണ് പരാതിക്കാധാരമായ സംഭവം. ഡി.വൈ.എഫ്.ഐ ജില്ലാ സമ്മേളനത്തില് ഇരുവരും പ്രതിനിധികളായിരുന്നു. സമ്മേളനത്തിന് ഒരുമിച്ചു പോകാമെന്നും അതിനായി രാവിലെ ഏരിയ കമ്മിറ്റി ഓഫീസില് എത്താനും ശ്രീജിത്ത് വനിതാ നേതാവിനോട് നിര്ദേശിച്ചു.
