പത്തനംതിട്ട: ജില്ലാ ശിശുക്ഷേമസമിതിയുടെ ആഭിമുഖ്യത്തില് കുടുംബശ്രീ ജില്ലാ മിഷന് പത്തനംതിട്ട, സ്നേഹിത ജെന്റര് ഹെല്പ്പ് ഡെസ്ക്ക് എന്നിവയുടെ സഹകരണത്തോടെ ജില്ലയിലെ ക്രഷെകളിലെ ബാലസേവികമാര്, ആയമാര് എന്നിവരെ പങ്കെടുപ്പിച്ചുള്ള ദ്വിദിന ശില്പ്പശാല സമാപിച്ചു. സംസ്ഥാന ശിശുക്ഷേമ സമിതി ജനറല് സെക്രട്ടറി അരുണ് ഗോപി സമാപന സമ്മേളനം ഉദ്ഘാടനം ചെയ്തു. ശിശുക്ഷേമ സമിതി ജില്ലാ വൈസ് പ്രസിഡന്റ അജിത് കുമാര് ആര് അധ്യക്ഷത വഹിച്ചു. സംസ്ഥാന പ്രോഗ്രാം ഓഫീസര് പി. ശശിധരന്, ജില്ല സെക്രട്ടറി ജി. പൊന്നമ്മ, ജില്ല ജോയിന്റ് സെകട്ടറി സലിം പി. ചാക്കോ, ട്രഷറാര് എ.ജി ദീപു, എസ്. മീരാസാഹിബ് , സുമ നരേന്ദ്ര, സൂര്യ വി.സതീഷ് പ്രൊവൈഡര് സ്നേഹിത ജെന്ഡര് ഹെല്പ്പ് ഡെസ്ക്, അജിതകുമാരി കെ., ശ്രീലത എസ്. എന്നിവര് പ്രസംഗിച്ചു.
കോട്ടയ്ക്കല് ആര്യ വൈദ്യശാല റീഹാബിലിയേഷന് സ്പെഷ്യലിസ്റ്റ് ഡോ. ആര്. ജെ ധനേഷ് കുമാര് ‘ ശിശുക്കളും വികാസവും ‘ എന്ന വിഷയത്തെപ്പറ്റിയും, മോണ്ടിസോറി ട്രെയിനര് അശ്വതി ദാസ് ‘ സമഗ്രശിശു വികസനത്തിന്റെ വശങ്ങള് ‘ എന്ന വിഷയത്തെപ്പറ്റിയും ക്ലാസെടുത്തു. ആക്ഷന് പ്ലാന് തയ്യാറാക്കലും ആക്ഷന് പ്ലാന് അവതരണവും നടന്നു.
