പുൽവാമ : ജമ്മു കശ്മീരിലെ പുൽവാമയിലുണ്ടായ ഏറ്റുമുട്ടലിൽ സുരക്ഷാസേന രണ്ട് ഭീകരരെ വധിച്ചു. ഏതാനും ദിവസങ്ങളായി അതിഥി തൊഴിലാളികള്ക്കുനേരെ തുടര്ച്ചയായി ആക്രമണം നടത്തുന്ന സംഘത്തില്പ്പെട്ട ഭീകരരെയാണ് വധിച്ചത്. ഇരുവരും ഭീകരസംഘടനയായ ജയ്ഷെ മുഹമ്മദിന്റെ പ്രവര്ത്തരാണ്. ഒരാളെ ബുധനാഴ്ച രാത്രിയും രണ്ടാമത്തെയാളെ വ്യാഴാഴ്ച പുലര്ച്ചെയുമാണ് വധിച്ചത്. കൂടുതൽ ഭീകരർ ഒളിച്ചിരിക്കുന്നുണ്ടെന്ന വിവരത്തെ തുടർന്ന് പ്രദേശത്ത് തിരച്ചിൽ തുടരുകയാണ്. പുൽവാമയിലെ മിത്രിഗാം മേഖലയിലാണ് ഏറ്റുമുട്ടൽ. ഒരു സൈനികന് പരുക്കേറ്റു. ഇവിടെനിന്ന് പ്രദേശവാസികളെ ഒഴിപ്പിച്ചു. കഴിഞ്ഞ ദിവസം കുൽഗാമിൽ ഉണ്ടായ ഏറ്റുമുട്ടലിൽ രണ്ട് ഭീകരരെ സുരക്ഷാ സേന വധിച്ചിരുന്നു
