പത്തനംതിട്ട : ആരോഗ്യരംഗത്തെയും വിദ്യാഭ്യാസരംഗത്തെയും തകര്ച്ചയേയും അരാജകത്വത്തെയും എല്.ഡി.എഫ് ഗവണ്മെന്റിന്റെ പിടിപ്പുകേടിനെയും ഉയര്ത്തിക്കാട്ടി യു.ഡി.എഫ് സംസ്ഥാന കമ്മിറ്റി ആഹ്വാനം ചെയ്ത കളക്ട്രേറ്റ് ധര്ണ വിജയിപ്പിക്കുന്നതിന് യു.ഡി.എഫ് പത്തനംതിട്ട ജില്ലാ കമ്മിറ്റി തീരുമാനിച്ചു. ജൂലൈ 23 ബുധനാഴ്ച രാവിലെ 10 മണിക്ക് ജില്ലാ കളക്ട്രേറ്റിലേക്ക് നടത്തുന്ന ധര്ണ്ണ യു.ഡി.എഫ് സംസ്ഥാന കണ്വീനര് അഡ്വ. അടൂര് പ്രകാശ് എം.പി ഉദ്ഘാടനം ചെയ്യും. യു.ഡി.എഫ് ജില്ലാ ചെയര്മാന് അഡ്വ. വര്ഗീസ് മാമന്റെ അധ്യക്ഷതയില് ചേര്ന്ന യോഗം ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് ഉദ്ഘാടനം ചെയ്തു.
യു.ഡി.എഫ് ജില്ലാ കണ്വീനര് എ. ഷംസുദ്ദീന്, ജോസഫ് എം. പുതുശ്ശേരി എക്സ് എം.എല്.എ, കെ.ഇ. അബ്ദുള് റഹ്മാന്, സമദ് മേപ്രത്ത്, അഡ്വ. വി.എസ്. ശിവകുമാര്, മാലേത്ത് സരളാദേവി എക്സ്. എം.എല്.എ, റെജി ചെറിയാന്, ജോണ് കെ. മാത്യൂസ്, ജോര്ജ് കുന്നപ്പുഴ, സനോജ് മേമന, ജോണ് സാമുവല്, അനീഷ് വരിക്കണ്ണാമല, അഡ്വ. എ. സുരേഷ് കുമാര്, സാമുവല് കിഴക്കുപുറം, രജനി പ്രദീപ്, ബാബു വെണ്മേലില്, സന്തോഷ് കുമാര് കോന്നി, പഴകുളം ശിവദാസന്, തോപ്പില് ഗോപകുമാര്, ലാലു തോമസ്, പ്രകാശ് തോമസ്, ഉമ്മച്ചന് വടക്കേടം, ജെറി മാത്യു സാം, ആര്. ദേവകുമാര്, സക്കറിയ വര്ഗ്ഗീസ് എന്നിവര് പ്രസംഗിച്ചു.
