തിരുവനന്തപുരം : യുഡിഎഫ് ബിജെപിയുടെ ‘ബി ടീം’ ആയി മാറിക്കഴിഞ്ഞുവെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ ആരോപിച്ചു. കേന്ദ്ര ഗവൺമെന്റിന്റെ കേരളത്തോടുള്ള അവഗണനയെക്കുറിച്ച് ഒരക്ഷരം പോലും പറയാൻ യുഡിഎഫിന് ധൈര്യമില്ലെന്നും അദ്ദേഹം വിമർശിച്ചു. ഗവർണറുടെ നയപ്രഖ്യാപന രേഖയിൽ കേന്ദ്ര ഗവൺമെന്റിനെതിരായി ഒന്നും ഉണ്ടായിരുന്നില്ല. ബിജെപിയുമായി ബന്ധപ്പെട്ടുകൊണ്ടാണ് കാര്യങ്ങൾ മുഴുവൻ നടപ്പിലാക്കുന്നത് എന്നും അദ്ദേഹം പറഞ്ഞു.
ബിജെപിയുമായി ചേർന്ന് മുൻപോട്ട് പോകാനാണ് യുഡിഎഫ് ശ്രമിക്കുന്നത്. അവരുടെ പ്രവർത്തനങ്ങൾ ബിജെപിയുടെ ഒരു രണ്ടാം ടീമിനെ അല്ലെങ്കിൽ ബി ടീമിനെപ്പോലെയാണെന്ന് ഇപ്പോൾ വ്യക്തമായിട്ടുണ്ട് എന്നും അദ്ദേഹം പറഞ്ഞു. മുൻകാലങ്ങളിൽ സിപിഎം ബിജെപിക്ക് കീഴടങ്ങുന്നു എന്ന് യുഡിഎഫ് ആരോപിച്ചിരുന്നു. എന്നാൽ അത് വെറും അടിസ്ഥാനരഹിതമായ കാര്യങ്ങളായിരുന്നുവെന്നും, ഇപ്പോൾ യഥാർത്ഥത്തിൽ ആരാണ് ബിജെപിക്ക് മുൻപിൽ കീഴടങ്ങുന്നതെന്ന് ജനങ്ങൾക്ക് മനസ്സിലാകുന്നുണ്ടെന്നും അദ്ദേഹം പറഞ്ഞു.
