തിരുവനന്തപുരം : വിവാദം കടുക്കുന്നതിനിടെ സംസ്ഥാനത്ത് മരംമുറി നടന്ന സ്ഥലങ്ങളിൽ സന്ദർശനം നടത്താനൊരുങ്ങി യുഡിഎഫ് സംഘം. പ്രതിപക്ഷ നേതാവ് വി ഡി സതീശന്റെ നേതൃത്വത്തിൽ ഈ മാസം 17ന് ഒരു സംഘം വയനാട് സന്ദർശിക്കും. ടി എൻ പ്രതാപന്റെ നേതൃത്വത്തിൽ അതേ ദിവസം മറ്റൊരു സംഘം തൃശ്ശൂർ, പാലക്കാട് ജില്ലകൾ സന്ദർശിക്കും. ബെന്നി ബെഹന്നാന്റെ നേതൃത്വത്തിൽ എറണാകുളം, ഇടുക്കി, പത്തനംതിട്ട ജില്ലകളും യുഡിഎഫ് സംഘം സന്ദർശിക്കും.
