തിരുവനന്തപുരം : വോട്ടെണ്ണൽ മൂന്ന് റൗണ്ട് പിന്നിടുമ്പോഴും മുന്നേറ്റം തുടര്ന്ന് യുഡിഎഫ്. 91 സീറ്റുകളിൽ യുഡിഎഫ് ലീഡ് ചെയ്യുകയാണ്. സംസ്ഥാനത്ത് യുഡിഎഫ് തരംഗമുണ്ടായെന്ന വ്യക്തമാക്കുന്ന ഫല സൂചനകളാണ് പുറത്തുവരുന്നത്. ധര്മ്മടത്ത് മുഖ്യമന്ത്രി പിണറായി വിജയൻ മൂന്നാം റൗണ്ടിലും പിന്നിലാണ്. മറ്റു എട്ടിലധികം മന്ത്രിമാരും പിന്നിലാണ്. നിലവിൽ 46 സീറ്റുകളിലാണ് എൽഡിഎഫ് ലീഡ് ചെയ്യുന്നത്. മൂന്ന് സീറ്റുകളിൽ എൻഡിഎയും മുന്നേറുകയാണ്.
തൃക്കരിപ്പൂരിൽ ലീഡ് ഉയർത്തി യു ഡി എഫ്. സന്ദീപ് വാര്യർ 2382 വോട്ടിന് മുന്നിൽ . എൽ ഡി എഫ് ശക്തി കേന്ദ്രങ്ങളിൽ സന്ദീപ് വാര്യരുടെ മുന്നേറ്റം. കായംകുളത്ത് ആഘോഷം തുടങ്ങി യുഡിഎഫ്. പത്തിയൂർ, ചെട്ടികുളങ്ങര തുടങ്ങിയ ഇടങ്ങളിൽ ലീഡ് യുഡിഎഫിന്. പുതുപ്പള്ളിയിൽ ചാണ്ടി ഉമ്മൻ ലീഡ് ഉയർത്തുകയാണ് പതിനയ്യായിരത്തിലേക്കാണ് ലീഡ് ഉയർത്തുന്നത്.
