വടശ്ശേരിക്കര : ആന്റോ ആന്റണി എംപിയുടെ ഫണ്ടിൽനിന്ന് വടശ്ശേരിക്കര പഞ്ചായത്തിലെ വിവിധ സ്ഥലങ്ങളിൽ അനുവദിച്ച മിനി മാസ്റ്റ് ലൈറ്റ് സ്ഥാപിക്കുന്നതിന് ഭരണസമതി തീരുമാനം എടുക്കാത്തതിൽ പ്രതിഷേധിച്ച് യുഡിഎഫ് മണ്ഡലം കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് മാർച്ചും ധർണയും നടത്തി. പേഴുംപാറ, വലിയകുളം, കരിമ്പനാംകുഴി എന്നിവിടങ്ങളിൽ അനുവദിച്ച ലൈറ്റുകൾക്കാണ് ഭരണസമിതിയുടെ അനുമതി നൽകാൻ വൈകിക്കുന്നത്. മുമ്പും ഇത്തരത്തിൽ പഞ്ചായത്ത് ഭരണസമിതിയുടെ ഭാഗത്തുനിന്ന് സമീപനം ഉണ്ടായിട്ടുണ്ടെന്ന് യുഡിഎഫ് നേതാക്കൾ പറഞ്ഞു.
ബ്ലോക്ക് കോൺഗ്രസ് പ്രസിഡന്റ് സിബി താഴത്തില്ലത്ത് ഉദ്ഘാടനം ചെയ്തു. യുഡിഎഫ് മണ്ഡലം പ്രസിഡന്റ് കെ.ഇ. തോമസ് അധ്യക്ഷത വഹിച്ചു. മണിയാർ രാധാകൃഷ്ണൻ, എ.വി. ആനന്ദൻ, സ്വപ്ന സുസൻ ജേക്കബ്, ഭദ്രൻ കല്ലയ്ക്കൽ, ഷാജി ശമുവേൽ, ഷീല മാനാപ്പള്ളിൽ, കൊച്ചുമോൻ മുള്ളമ്പാറ, ഗോപാലകൃഷ്ണൻനായർ തുടങ്ങിയവർ പ്രസംഗിച്ചു.
