കോഴിക്കോട് : തൃക്കരിപ്പൂരിൽ യുഡിഎഫ് വലിയ വിജയം നേടുമെന്നും ആറ് പതിറ്റാണ്ട് കാലത്തെ ഇടതുപക്ഷത്തിന്റെ ഏകാധിപത്യ ഭരണത്തിൽ നിന്ന് മണ്ഡലം മോചനം ആഗ്രഹിക്കുന്നുവെന്നും യുഡിഎഫ് സ്ഥാനാർത്ഥി സന്ദീപ് വാര്ർ. സംസ്ഥാന സർക്കാരിനെതിരെയുള്ള ഭരണവിരുദ്ധ വികാരം മണ്ഡലത്തിൽ പ്രതിഫലിക്കുമെന്നും പ്രാദേശിക എംഎൽഎമാർക്കെതിരെയുള്ള ജനവികാരം യുഡിഎഫിന് ഗുണകരമാകുമെന്നും അദ്ദേഹം പറഞ്ഞു. തൃക്കരിപ്പൂരിൽ ഇത്തവണ യുവതലമുറ മാറ്റം ആഗ്രഹിക്കുന്നുണ്ടെന്നും എല്ലാ വിഭാഗം ജനങ്ങളിൽ നിന്നും യുഡിഎഫിന് വോട്ട് ലഭിച്ചിട്ടുണ്ടെന്നും സന്ദീപ് വാര്ർ പറഞ്ഞു.
ഇടതുപക്ഷത്തിന്റെ ഉരുക്കുക്കോട്ടകളിൽ ഇത്തവണ വിള്ളൽ വീണിട്ടുണ്ടെന്ന് അദ്ദേഹം പറഞ്ഞു. ജീവിതകാലം മുഴുവൻ ഇടതുപക്ഷത്തിന് വോട്ട് ചെയ്തിട്ടുള്ള സിപിഎം കുടുംബങ്ങളിൽ നിന്നും പാർട്ടി ഗ്രാമങ്ങളിൽ നിന്നും ഇത്തവണ യുഡിഎഫിന് വലിയ തോതിൽ വോട്ട് ലഭിച്ചിട്ടുണ്ടെന്നും പലരും നേരിട്ട് വിളിച്ച് ഇക്കാര്യം അറിയിച്ചിട്ടുണ്ടെന്നും അദ്ദേഹം വെളിപ്പെടുത്തി.
