പത്തനംതിട്ട: നിലമ്പൂരില് യു.ഡി.എഫ് സ്ഥാനാര്ത്ഥി ആര്യാടന് ഷൗക്കത്തിന്റെ തിളക്കമാര്ന്ന വിജയം പിണറായി സര്ക്കാരിന്റെ അഴിമതി നിറഞ്ഞ ജനദ്രോഹ ഭരണത്തിനെതിരായ ജനങ്ങളുടെ വിധിയെഴുത്താണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ആര്യാടന് ഷൗക്കത്തിന്റെ വിജയത്തില് ആഹ്ലാദം പ്രകടിപ്പിച്ച് യു.ഡി.എഫ് ജില്ലാ കമ്മിറ്റിയുടെ നേതൃത്വത്തില് പത്തനംതിട്ടയില് നടത്തിയ പ്രകടനവും യോഗവും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. വരാന് പോകുന്ന തദ്ദേശസ്വയംഭരണ സ്ഥാപന, നിയമസഭാ തെരഞ്ഞെടുപ്പുകളിലെ യു.ഡി.എഫ് വിജയത്തിന്റെ തുടക്കമാണ് ഉപതെരഞ്ഞെടുപ്പ് വിജയമെന്നും സമസ്ത മേഖലകളിലും പരാജയപ്പെട്ട സര്ക്കാരിനെ ജനങ്ങള് അധികാരത്തില് നിന്നും പുറത്താക്കുമെന്നും സതീഷ് കൊച്ചുപറമ്പില് പറഞ്ഞു.
യു.ഡി.എഫിന്റെ ഒരുമയോടെയുള്ള പ്രവര്ത്തനഫലമാണ് തെരഞ്ഞെടുപ്പ് വിജയമെന്നും പത്തനംതിട്ട ജില്ലയിലുള്പ്പെടെ എല്ലാവരും ഒറ്റക്കെട്ടായി പ്രവര്ത്തിച്ച് വരും തെരഞ്ഞെടുപ്പുകളില് യു.ഡി.എഫ് സ്ഥാനാര്ത്ഥികള് വിജയം കൊയ്യുമെന്നും ഡി.സി.സി പ്രസിഡന്റ് പറഞ്ഞു. മുസ്ലീംലീഗ് സംസ്ഥാന കമ്മിറ്റി അംഗം റ്റി.എം. ഹമീദ് അദ്ധ്യക്ഷത വഹിച്ചു. ഡി.സി.സി ഭാരവാഹികളായ എ. സുരേഷ് കുമാര്, സാമുവല് കിഴക്കുപുറം, സജി കൊട്ടയ്ക്കാട്, കെ. ജാസിംകുട്ടി, ഡി.എന്. തൃദീപ്, എം.എസ്. പ്രകാശ്, കേരള കോണ്ഗ്രസ് ജില്ലാ ജനറല് സെക്രട്ടറി ബാബു വര്ഗീസ്, തോമസ് ജോസഫ്, റ്റി.എം. സുനില് കുമാര്, കെ.പി. നൗഷാദ്, ജെറി മാത്യു സാം, റനീസ് മുഹമ്മദ്, നാസര് തോണ്ടമണ്ണില്, ദിലീപ് കുമാര് പൊതീപ്പാട്, കെ.പി. മുകുന്ദന്, എം. സിറാജ്, നഹാസ് പത്തനംതിട്ട, അബ്ദുള്കലാം ആസാദ്, അന്സര് മുഹമ്മദ്, എം. രാജ, പി.കെ. ഇക്ബാല്, അജിത്ത് മണ്ണില്, എ. ഫറൂഖ്, പി.കെ. ഗോപി, ഷാജി കുളനട, ബിനു മൈലപ്ര, അംബിക വേണു, സജു ജോര്ജ്, ജോസ് കൊടുന്തറ, റെജി വാര്യപുരം, അഷറഫ് അപ്പാകുട്ടി എന്നിവര് പ്രസംഗിച്ചു.
