ഉദുമ : സ്കൂൾ മൈതാനത്ത് അനധികൃതമായി കടന്ന് യുവാക്കൾ കാർ റേസിങ് നടത്തി. റേസിങ് നിർത്താൻ ആവശ്യപ്പെട്ട പ്രൊബേഷൻ എസ്.ഐ. ഉൾപ്പെടെ മൂന്നു പോലീസുകാരെ ഇവർ സംഘംചേർന്ന് ആക്രമിച്ചു. പരിക്കേറ്റ എസ്.ഐ. പ്രിൻസ് ജോൺ, പോലീസുകാരായ കൃഷ്ണനുണ്ണി, അർജുൻ എന്നിവർ ജില്ലാ ആശുപത്രിയിൽ ചികിത്സതേടി. അഞ്ചു പേർക്കെതിരേ ബേക്കൽ പോലീസ് കേസെടുത്തു. ചൊവ്വാഴ്ച വൈകീട്ടാണ് സംഭവം. പള്ളിക്കര ഗവ. ഹയർ സെക്കൻഡറി സ്കൂൾ മൈതാനത്ത് അപകടകരമായ രീതിയിൽ ആറ് കാറുകൾ റേസിങ് നടത്തിയതാണ് സംഭവം. സ്കൂൾവിട്ട് കുട്ടികൾ മടങ്ങുന്ന സമയത്തായിരുന്നു റേസിങ് നടന്നത്. പുറത്തുനിന്നെത്തിയ സംഘമാണ് സ്കൂൾ മൈതാനത്ത് അനുമതിയില്ലാതെ അതിക്രമിച്ചുകയറിയത്. ഇതറിഞ്ഞ് സ്ഥലത്തെത്തിയ ബേക്കൽ പോലീസിനെയാണ് ആക്രമിച്ചത്. ആറ് കാറുകളും അതിലുണ്ടായിരുന്ന യുവാക്കളേയും ബേക്കൽ പോലീസ് കസ്റ്റഡിയിലെടുത്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
