കീവ് : യുക്രെയ്നില് സൈനിക വിദ്യാര്ഥികള് യാത്രചെയ്ത വിമാനം തകര്ന്ന് 25 പേര് മരിച്ചു. രണ്ട് പേര്ക്ക് ഗുരുതരമായി പരിക്കേറ്റതായും സൈനിക വക്താവ് അറിയിച്ചു. പരിശീലന പറക്കലിനിടെയാണ് അപകടം. വ്യോമസേന ഉദ്യോഗസ്ഥരും വിദ്യാര്ഥികളും ഉള്പ്പെടെ 27 പേരാണ് വിമാനത്തിലുണ്ടായിരുന്നത്. ആന്റനോവ്-26 വിമാനമാണ് അപകടത്തില്പ്പെട്ടത്. എന്ജിന് തകരാറാണ് അപകടകാരണമെന്ന് യുക്രെയ്ന് പ്രതിരേധ മന്ത്രാലയത്തെ ഉദ്ധരിച്ചുകൊണ്ട് മാധ്യമങ്ങള് റിപ്പോര്ട്ട് ചെയ്തു. അപകടത്തെക്കുറിച്ച് അന്വേഷണം പ്രഖ്യാപിച്ചിട്ടുണ്ട്. അപകട സ്ഥലത്ത് തിരച്ചില് തുടരുകയാണ്.
