തൃക്കാക്കര : മകനെതിരെ സമൂഹമാദ്ധ്യമങ്ങളില് നടക്കുന്നത് വ്യാജ പ്രചാരണമെന്ന് തൃക്കാക്കര എംഎല്എ ഉമ തോമസ്. മരിച്ചിട്ടും ചിലര്ക്ക് പി ടിയോടുള്ള പക തീര്ന്നിട്ടില്ലെന്നും പോലീസ് പൊക്കി എന്ന് പറയുന്ന മകന് മഴയില് വെള്ളം കയറിയ തങ്ങളുടെ വീട് വൃത്തിയാക്കുകയാണെന്നും ഉമ തോമസ് ഫേസ്ബുക്കില് കുറിച്ചു. പി ടിയുടെയും ഉമയുടെയും മകനായ വിവേക് തോമസിനെ കഞ്ചാവ് കേസില് അറസ്റ്റ് ചെയ്തുവെന്നാണ് പ്രചാരണം നടക്കുന്നത്. സത്യവുമായി ഒരു ബന്ധവും ഇല്ലാത്ത പ്രചാരണം നടത്തിയവര്ക്കും അത് ഷെയര് ചെയ്തവര്ക്കുമെതിരെ മുഖ്യമന്ത്രിക്കും ഡിജിപിക്കും പരാതി നല്കുമെന്നും ഉമ തോമസ് കൂട്ടിച്ചേര്ത്തു. മകന് വീട് വൃത്തിയാക്കുന്ന ചിത്രം സഹിതമാണ് ഉമ തോമസ് ഫേസ്ബുക്കില് പോസ്റ്റ് ചെയ്തിട്ടുള്ളത്.
