പത്തനംതിട്ട : കേരള സർക്കാരിന്റെ ലഹരിവിരുദ്ധ ബോധവൽക്കരണത്തിന്റെ ഭാഗമായി എക്സൈസ് ഡിപ്പാർട്ട്മെന്റിന്റെ സഹകരണത്തോടുകൂടി പത്തനംതിട്ടയിൽ കേരള വ്യാപാരി വ്യവസായി ഏകോപനസമിതിയുടെ ആഭിമുഖ്യത്തിൽ ഗാന്ധി സ്ക്വയറിൽ ലഹരി വിരുദ്ധ സദസ്സ് സംഘടിപ്പിച്ചു. പ്രസിഡന്റ് ടി ടി അഹമ്മദ് അധ്യക്ഷത വഹിച്ച യോഗം ജില്ലാ സെക്രട്ടറി ശശി ഐസക് ഉദ്ഘാടനം ചെയ്തു.
എക്സൈസ് പ്രിവന്റി ഓഫീസർ മുഹമ്മദലി ജിന്ന ലഹരിവിരുദ്ധ സന്ദേശം നൽകി. ജനറൽ സെക്രട്ടറി ജോർജ് വർഗീസ് അജന്ത, ഗീവർ ജോസ് ജോർജ് വർഗീസ് തെങ്ങുംതറയിൽ, കെ സി വർഗീസ്, അഹമ്മദ് സാലി, അബൂ നവാസ്, ടി ടി യാസീൻ, ഹോട്ടൽ അസോസിയേഷൻ സംസ്ഥാന വൈസ് പ്രസിഡന്റ് കെ എം രാജ തുടങ്ങിയവർ പ്രസംഗിച്ചു.
