ആലപ്പുഴ: ചേർത്തല നെടുമ്പ്രത്ത് ഡി.വൈ.എഫ്.ഐ യൂണിറ്റ് സെക്രട്ടറി അരുണിന് കുത്തേറ്റു. വെള്ളിയാഴ്ച രാത്രി 8.30നാണ് സംഭവം. രണ്ടുപേരാണ് കുത്തിയതെന്നാണ് വിവരം. പ്രതികളെ ഇതുവരെ തിരിച്ചറിഞ്ഞിട്ടില്ല. വയറിനു കുത്തേറ്റ അരുണിനെ ചേർത്തല താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു.
അരുണിന്റെ ആരോഗ്യനില ഗുരുതരമാണെന്നാണ് വിവരം. മുന്വൈരാഗ്യമാണ് ആക്രമണത്തിനു കാരണമെന്ന് പപോലീസ് പറഞ്ഞു. കുത്തിയതെന്ന് സംശയിക്കുന്ന ഒരാളുടെ വീടിനുനേരെ ആക്രമണമുണ്ടായി. സ്ഥലത്ത് സംഘർഷാവസ്ഥയെ തുടർന്ന് പോലീസ് സംഘം ക്യാമ്പ് ചെയ്യുന്നുണ്ട്.
