ജയ്പൂര്: രാജസ്ഥാന് മുഖ്യമന്ത്രി അശോക് ഗെലോട്ടിനെതിരെ നടത്തിയ പരാമര്ശത്തിന് കേന്ദ്രമന്ത്രി ഗജേന്ദ്ര സിംഗ് ഷെഖാവത്തിനെതിരെ കേസ്. രാജസ്ഥാന് പോലീസാണ് കേസെടുത്തത്. അശോക് ഗെഹ്ലോട്ട് രാഷ്ട്രീയത്തിലെ രാവണനാണെന്നും അദ്ദേഹത്തിന്റെ ഭരണം അവസാനിപ്പിക്കണമെങ്കില് സംസ്ഥാനത്ത് രാമരാജ്യം സ്ഥാപിക്കാന് ജനങ്ങള് കൈകള് ഉയര്ത്തി നിശ്ചയിക്കണമെന്നുമായിരുന്നു മന്ത്രി പറഞ്ഞത്.
ഇതേതുടര്ന്ന് പ്രാദേശിക കോണ്ഗ്രസ് നേതാവ് സുരേന്ദ്ര സിങ് ജദാവത്ത് ആണ് പരാതി നല്കിയത്.വ്യാഴാഴ്ച ബി.ജെ.പിയുടെ മഹാക്രോഷ് സഭാ പരിപാടിയില് പങ്കെടുത്ത് സംസാരിക്കുമ്പോഴായിരുന്നു മന്ത്രിയുടെ പരാമര്ശം. സഞ്ജീവനി ക്രെഡിറ്റ് കോ-ഓപ്പറേറ്റീവ് സൊസൈറ്റി അഴിമതിയുമായി ബന്ധപ്പെട്ട് ഷെഖാവത്ത് അഴിമതിക്കാരനാണെന്ന് ഗെഹ്ലോട്ട് പരസ്യമായി പറഞ്ഞിരുന്നു.
