27.5 C
Pathanāmthitta
Thursday, June 16, 2022 7:43 pm

മുഖ്യമന്ത്രിക്കെതിരെയുള്ളത് ഗുരുതരമായ ആരോപണം ; ബിജെപി

ഡല്‍ഹി : സ്വര്‍ണ്ണക്കടത്ത് കേസിലെ സ്വപ്‍ന സുരേഷിന്റെ ആരോപണങ്ങള്‍ ദേശീയ തലത്തില്‍ ഉന്നയിച്ച്‌ ബിജെപി. മുഖ്യമന്ത്രിക്കെതിരെയുള്ളത് ഗുരുതരമായ ആരോപണമെന്ന് കേന്ദ്രമന്ത്രി രാജീവ് ചന്ദ്രശേഖര്‍ പറഞ്ഞു. 2020 ല്‍ ഇത് ഗുരുതരമായ വിഷയമാണെന്നും ആഴത്തിലുള്ള അന്വേഷണം ആവശ്യമാണെന്നും മുഖ്യമന്ത്രി പറഞ്ഞിരുന്നു. പിന്നീട് കേസിന്റെ എല്ലാ വശങ്ങളും അന്വേഷിക്കണമെന്നും സംസ്ഥാന സര്‍ക്കാരിന്റെ അന്വേഷണ ഏജന്‍സികള്‍ മുഴുവന്‍ പിന്തുണയും നല്‍കുമെന്നും അദ്ദേഹം പ്രധാനമന്ത്രിക്ക് കത്തയച്ചു. തൊട്ടടുത്ത ദിവസം മുതല്‍ കേസന്വേഷണം തടസപ്പെടുത്താനാണ് മുഖ്യമന്ത്രി ശ്രമിച്ചതെന്നും അദ്ദേഹം വിമര്‍ശിച്ചു.

സംസ്ഥാനത്ത് കറുത്ത മാസ്കണിഞ്ഞവരെ തടയുകയാണ്. പൊലീസ് കൈയ്യേറ്റം ചെയ്യുന്നു. തെറ്റൊന്നും ചെയ്തില്ലെങ്കില്‍ ഇങ്ങനെ ഭയക്കുന്നത് എന്തിനാണെന്ന് വി മുരളീധരന്‍ ചോദിച്ചു. മുന്‍ കമ്മ്യൂണിസ്റ്റ് മുഖ്യമന്ത്രിമാര്‍ സുരക്ഷ ഇല്ലാതെ യാത്ര ചെയ്യുന്നത് കണ്ടിട്ടുണ്ട്. ഇപ്പോള്‍ ഗവര്‍ണര്‍ക്കുള്ളതിനെക്കള്‍ സുരക്ഷയാണ് മുഖ്യമന്ത്രിക്ക്. കോണ്‍ഗ്രസ് സംസ്ഥാന സര്‍ക്കാരിനൊപ്പം നില്‍ക്കുകയാണെന്നും  കേന്ദ്ര സഹമന്ത്രി വിമര്‍ശിച്ചു. മനുഷ്യാവകാശത്തെ പറ്റിയും അഭിപ്രായ സ്വാതന്ത്ര്യത്തെ പറ്റിയും സംസാരിക്കുന്നവര്‍ ഇതിനെല്ലാം വിരുദ്ധമായി പ്രവര്‍ത്തിക്കുകയാണെന്ന് വി മുരളീധരന്‍ പറഞ്ഞു.

- Advertisment -
- Advertisment -
Advertisment
- Advertisment -

Most Popular