പത്തനംതിട്ട : മലയാലപ്പുഴ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ രൂപീകരിക്കുന്ന കോൺഗ്രസ് യൂണിറ്റ് കമ്മിറ്റി രൂപീകരണത്തിന്റെ മണ്ഡലം തല ഉദ്ഘാടനം പൊതീപ്പാട് ബൂത്തിൽ ഡി. സി.സി ജനറൽ സെക്രട്ടറി സാമുൽ കിഴക്കുപുറം നിർവഹിച്ചു. മണ്ഡലം പ്രസിഡന്റ് ദിലീപ്കുമാർ പൊതീപ്പാട് അദ്ധ്യക്ഷത വഹിച്ചു. ഡി.സി.സി വൈസ് പ്രസിഡന്റുമാരായ റോബിൻ പീറ്റർ, വെട്ടൂർ ജ്യോതി പ്രസാദ്, ഐ.എൻ.റ്റി.യു.സി ജില്ലാ പ്രസിഡന്റ് ജ്യേതിഷ് കുമാർ മലയാലപ്പുഴ,ഡി.സി.സി നിർവാഹക സമിതി അംഗം ജയിംസ് കീക്കരിക്കാട്ട്, ബ്ലോക്ക് ഭാരവാഹികളായ വി.സി.ഗോപിനാഥപിള്ള, പ്രമോദ് താന്നിമൂട്ടിൽ, ഗ്രാമപഞ്ചായത്ത് അംഗങ്ങളിയ ബിന്ദു ജോർജ്, ആശ പെരു പ്രാൽ, മണ്ഡലം ഭാരവാഹികളായ സിനിലാൽ പൊതിപ്പാട്, അമൃത് സോമരാജൻ, രാജേന്ദ്രൻ ആന ശാരിക്കൽ, സജി ആചാരി,അശ്വതി ദിലീപ് എന്നിവർ പ്രസംഗിച്ചു. യൂണിറ്റ് ഭാരവാഹികളായി ശ്രീകുമാർ ചെറിയത്ത് (പ്രസിഡന്റ്) സി.പി.സുധീഷ് (സെക്രട്ടറി) ബിന്ദു അരവിന്ദ് (ട്രഷറർ) എന്നിവരെ തെരഞ്ഞെടുത്തു.
