കൊച്ചി : കേരള, മഹാത്മാഗാന്ധി സര്‍വ്വകലാശാലകള്‍ നടത്താനിരുന്ന പരീക്ഷകള്‍ ഹൈക്കോടതി തടഞ്ഞു. കൊറോണ വ്യാപനം ചൂണ്ടിക്കാണിച്ചുള്ള എന്‍എസ്‌എസിന്റെ ഹര്‍ജിയിലാണ് ഇടക്കാല ഉത്തരവ്. മതിയായ അദ്ധ്യാപകര്‍ ഇല്ലെന്നും പരീക്ഷ കാരണം രോഗബാധ കൂടും എന്നും കാണിച്ചായിരുന്നു ഹര്‍ജി. കോടതി ഉത്തരവിന് പിന്നാലെ എം ജി സര്‍വകലാശാല പരീക്ഷകള്‍ മാറ്റി. മഹാത്മാഗാന്ധി സര്‍വ്വകലാശാല ഫെബ്രുവരി എട്ട് വരെ നടത്താന്‍ നിശ്ചയിച്ചിരുന്ന എല്ലാ പരീക്ഷകളും മാറ്റിവെച്ചതായി വൈസ് ചാന്‍സലര്‍ അറിയിച്ചു. പുതുക്കിയ തീയതി പിന്നീട് അറിയിക്കും.
