കാലടി : ശ്രീ ശങ്കരാചാര്യ സംസ്കൃത സർവ്വകലാശാലയെ കൂടുതൽ മികവുറ്റതാക്കാൻ പരിശ്രമിക്കുമെന്ന് കാലടി ശ്രീ ശങ്കരാചാര്യ സംസ്കൃത സർവ്വകലാശാലയുടെ പുതിയ വൈസ് ചാൻസലറായി ചുമതലയേറ്റ ഡോ.എം.വി നാരായണൻ പറഞ്ഞു. വൈസ് ചാൻസലറായി ചുമതലയേറ്റതിന് ശേഷം സർവ്വകലാശാല ആസ്ഥാനത്ത് എത്തിയ ഡോ.എം.വി നാരായണൻ മാധ്യമപ്രവർത്തകരുടെ ചോദ്യങ്ങൾക്ക് മറുപടി പറയുകയായിരുന്നു. ഗൗരവമായ ചുമതലയാണ് ഏല്പിക്കപ്പെട്ടിരിക്കുന്നത്. അത് പരമാവധി നന്നായി നിർവ്വഹിക്കുകയാണ് ലക്ഷ്യം.
സർവ്വകലാശാലയ്ക്ക് സമ്പന്നമായ അക്കാദമിക മികവും നല്ല അധ്യാപകവൃന്ദവും മിടുക്കരായ വിദ്യാർത്ഥികളുമുണ്ട്. നാകിന്റെ ഉന്നതമായ എ പ്ലസ് ഗ്രേഡും ലഭിച്ചിട്ടുണ്ട്. ഈ നിലവാരം നിലനിർത്തിക്കൊണ്ട് സംസ്കൃത സർവ്വകലാശാലയെ മികവിന്റെ കേന്ദ്രമാക്കാനാണ് ആഗ്രഹിക്കുന്നത്, ഡോ.എം.വി നാരായണൻ പറഞ്ഞു. സർവ്വകലാശാല ആസ്ഥാനത്തെത്തിയ വൈസ് ചാൻസലർ ഡോ.എം.വി നാരായണനെ രജിസ്ട്രാർ ഡോ.എം.ബി ഗോപാലകൃഷ്ണൻ ബൊക്കെ നൽകി സ്വീകരിച്ചു.
സിൻഡിക്കേറ്റ് അംഗങ്ങളായ പ്രൊഫ.ഡി.സലിം കുമാർ, പ്രൊഫ.എസ്.മോഹൻദാസ്, പ്രൊഫ.എം. മണിമോഹനൻ, ഡോ.സി.എം മനോജ് കുമാർ, ഫിനാൻസ് ഓഫീസർ സുനിൽ കുമാർ.എസ്., പ്രൊഫ.വി.ലിസി മാത്യു, പ്രൊഫ.എം.എസ് മുരളീധരൻപിളള, ഡോ.ശ്രീകല എം നായർ, ഡോ.സുനിത ഗോപാലകൃഷ്ണൻ, ഡോ.എം.സത്യൻ, ഡോ.ബിജു വിൻസന്റ്, ഡോ.പി.ഉണ്ണികൃഷ്ണൻ, ഡോ.ലൂക്കോസ് ജോർജ്ജ്, ലഫ്റ്റനന്റ് ലിഷ സി.ആർ, ജോയിന്റ് രജിസ്ട്രാർ സുഖേഷ് കെ ദിവാകർ, ഡെപ്യൂട്ടി രജിസ്ട്രാറും വൈസ് ചാൻസലറുടെ പ്രൈവറ്റ് സെക്രട്ടറിയുമായ ശ്രീകാന്ത് എസ്.എന്നിവർ സന്നിഹിതരായിരുന്നു. ഡോ.എം.വി നാരായണനെ മുൻ വൈസ് ചാൻസലർ ഡോ.ധർമ്മരാജ് അടാട്ട് സന്ദർശിച്ചു.
