ലക്നൗ: ഉത്തര്പ്രദേശില് വാഹനം നിയന്ത്രണം വിട്ട് മരത്തിലിടിച്ചുണ്ടായ അപകടത്തില് നാല് തീര്ത്ഥാടകര് മരിച്ചു. അപകടത്തില് ആറ് പേര്ക്ക് പരിക്കേറ്റു. ബഹ്റൈച്ചില് ജില്ലയിലെ രാംപൂര്വ ചൗക്കില് ഇന്ന് പുലര്ച്ചെയാണ് അപകടം.
സിദ്ധാര്ത്ഥനഗറില് നിന്നുള്ള തീര്ഥാടകര് ഹരിദ്വാറില് നിന്ന് മടങ്ങുമ്പോള് വാഹനം നിയന്ത്രണം നഷ്ടപ്പെട്ട് മരത്തില് ഇടിക്കുകയായിരുന്നു. ഗുരുതരമായി പരുക്കേറ്റ രണ്ടുപേരെ ലക്നൗ ട്രോമ സെന്ററിലേക്ക് പ്രവേശിപ്പിച്ചു. ഡ്രൈവര് ഉറങ്ങി പോയതാണ് അപകട കാരണമെന്നാണ് നിഗമനം.
