ലഖ്നോ: ഉത്തര്പ്രദേശ് മന്ത്രി ഹനുമാന് മിശ്ര കോവിഡ് ബാധിച്ച് മരിച്ചു. ചൊവ്വാഴ്ച രാവിലെ ലഖ്നോവിലെ സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലായിരുന്നു അന്ത്യം. കോവിഡ് സഥിരീകരിച്ചതിനെ തുടര്ന്ന് ആശുപത്രിയില് ചികിത്സയിലായിരുന്നു അദ്ദേഹം.
ഉത്തര് പ്രദേശിലും മഹാരാഷ്ട്രയിലുമാണ് ഏറ്റവും കൂടുതല് കോവിഡ് ബാധിതര്. മഹാരാഷ്ട്രയില് 58,924 പേര്ക്കും യു.പിയില് 28,211 പേര്ക്കും ഡല്ഹിയില് 23,686 പേര്ക്കുമാണ് കഴിഞ്ഞദിവസം കോവിഡ് സ്ഥിരീകരിച്ചത്. കോവിഡ് കേസുകള് കുതിച്ചുയരുന്ന സാഹചര്യത്തില് യു.പി സര്ക്കാര് സംസ്ഥാനത്ത് കര്ഫ്യൂ ഏര്പ്പെടുത്തി. ഏപ്രില് 24വരെ വാരാന്ത്യ കര്ഫ്യൂ ഏര്പ്പെടുത്തുകയും ചെയ്തിട്ടുണ്ട്.
