കോന്നി : അരുവാപ്പുലം ഗ്രാമപഞ്ചായത്തിലെ കൊക്കാത്തോട് വനമേഖലയില് ഉരുള് പൊട്ടലിനെ തുടര്ന്ന് അച്ചന്കോവിലാറ്റിലെ ജലനിരപ്പുയര്ന്നു. വ്യാഴാഴ്ച്ച പുലര്ച്ചെ രണ്ട് മണിയോടെയാണ് വനത്തിനുള്ളില് രണ്ടിടങ്ങളിലായി ഉരുള് പൊട്ടിയതായി അറിയുന്നത്. അച്ചന്കോവിലാറ്റില് ജലനിരപ്പ് ഉയര്ന്നതിനെ തുടര്ന്ന് ആവണിപ്പാറ ഗിരിവര്ഗ കോളനിയിലേക്ക് എത്തിച്ചേരുന്നതിന് ഏക ആശ്രയമായിരുന്ന ഫൈബര് ബോട്ട് ഒഴുകി പോയി.
കൊക്കാത്തോട് ആരബിള് ലാന്റില് വീടുകളില് വെള്ളം കയറിയതിനെ തുടര്ന്ന് പ്രദേശത്തെ നാല് കുടുംബങ്ങളെ സുരക്ഷിത സ്ഥാനത്തേക്ക് മാറ്റിപ്പാര്പ്പിച്ചു. കോന്നി ഫയര്ഫോഴ്സ് എത്തി നടപടികള് സ്വീകരിച്ചു. കോന്നി കുമ്പഴ റോഡ്, മഠത്തില്കാവ് ഏലാ എന്നിവടങ്ങളിലും വെള്ളം കയറി. അച്ചന്കോവിലാറ്റില് അതിവേഗം ജലനിരപ്പ് ഉയരുകയാണ്. ഇന്ന് രാവിലെ അഞ്ചു മണിയോടെയാണ് ജലനിരപ്പ് ഉയര്ന്നു തുടങ്ങിയത്.
