അലബാമ : അമേരിക്കയില് വീണ്ടും വെടിവെപ്പ്. അലബാമയിലെ ചര്ച്ചിലുണ്ടായ വെടിവെപ്പില് ഒരാള് കൊല്ലപ്പെട്ടു. രണ്ട് പേര്ക്ക് പരിക്കേറ്റു. അക്രമിയെ പോലീസ് കസ്റ്റഡിയിലെടുത്തു. വെസ്റ്റാവിയ ഹില്സിലെ സെന്റ് സ്റ്റീഫന്സ് എപ്പിസ്കോപ്പല് ചര്ച്ചിന് പുറത്താണ് വെടിവെപ്പുണ്ടായത്. ഒരാള് കസ്റ്റഡിയിലാണെന്ന് ടൗണ് പോലീസ് ഡിപ്പാര്ട്ട്മെന്റ് അറിയിച്ചു. ആക്രമണത്തിന്റെ കാരണം വ്യക്തമായിട്ടില്ല. അമേരിക്കയില് തോക്ക് ഉപയോഗിച്ചുള്ള ആക്രമണത്തില് കൊല്ലപ്പെടുന്നവരുടെ എണ്ണം കൂടുകയാണ്.
ടെക്സസിലെ ഉവാള്ഡെയിലെ ഒരു വിദ്യാലയത്തില് 19 കുട്ടികളും രണ്ട് അധ്യാപകരും കൊല്ലപ്പെട്ട വെടിവെപ്പ് നടന്നത് മെയ് 24നാണ്. ഗണ് വയലന്സ് ആര്ക്കൈവ് എന്ന എന്ജിഒയുടെ കണക്കനുസരിച്ച്, അമേരിക്കയില് ഈ വര്ഷം ഇതുവരെ തോക്ക് ഉപയോഗിച്ചുള്ള ആക്രമണത്തില് 20,000ത്തില് അധികം ആളുകള് മരിച്ചു. സ്വയം നിറയൊഴിച്ച് ജീവനൊടുക്കിയ സംഭവങ്ങളും ഇതില് ഉള്പ്പെടുന്നു.
