കൊച്ചി: പോപ്പുലര് ഫ്രണ്ട് നേതാക്കളുടെ അറസ്റ്റിനെ തുടര്ന്നുണ്ടായ ഹര്ത്താലില് ഇന്നലെ കേരളത്തില് നടന്ന അക്രമം ഇസ്ലാമിക ഭീകരവാദികള്ക്ക് അഴിഞ്ഞാടാനുള്ള സ്വര്വ്വ സ്വാതന്ത്ര്യം കേരള സര്ക്കാര് നല്കിയതിനനാലാണെന്ന് കേന്ദ്രസഹമന്ത്രി വി.മുരളീധരന്. കേരളത്തില് ഇന്നുവരെ ഇത്രയും വ്യാപകമായ അക്രമം നടന്നിട്ടില്ല. അറസ്റ്റിനെ തുടര്ന്ന് ഇന്നലെ ഹര്ത്താല് നടത്താന് ആഹ്വാനം ഉണ്ടായപ്പോള് സംസ്ഥാന പോലീസും സര്ക്കാരും അക്രമം തടയാന് എന്തു നടപടിയെടുത്തുവെന്ന് വ്യക്തമല്ല. ഇന്നലെ രാവിലെമുതല് വൈകീട്ട് വരെ വ്യാപകമായി അക്രമം നടന്നു.
റോം കത്തിയെരിഞ്ഞപ്പോള് നീറോ ചക്രവര്ത്തി വീണ വായിച്ചു രസിച്ചുവെന്ന് കേട്ടിട്ടുണ്ട്. അതുപോലെ ജനം വലഞ്ഞപ്പോള് മുഖ്യമന്ത്രി ചെണ്ട കൊട്ടി രസിക്കുകയായിരുന്നു. കൊക്കൂണിന്റെ പരിപാടിയില് മുഖ്യമന്ത്രിയും ഡിജിപിയും ചെണ്ടകൊട്ടി രസിച്ചു. ആലപ്പുഴയില് ഹിന്ദു, ക്രിസ്ത്യന് വിഭാഗങ്ങള്ക്കെതിരെ വിദ്വേഷ പ്രകടനം നടത്തിയ മുദ്രാവാക്യം വിളിച്ച സംഘടനയ്ക്ക് കോഴിക്കോട് മഹാസമ്മേളനം നടത്താന് അനുവാദം നല്കിയത് ആഭ്യന്തര വകുപ്പാണ്. അതില് നിന്നു ലഭിച്ച ഊര്ജമാണ് കേരളത്തില് ആക്രമണം നടത്താന് അവരെ പ്രേരിപ്പിച്ചത്.