ന്യൂഡല്ഹി: സ്കൂള് പാഠ്യപദ്ധതിയില് ലൈംഗിക വിദ്യാഭ്യാസം ഉള്പ്പെടുത്തുമെന്ന് വിദ്യാഭ്യാസ മന്ത്രി വി. ശിവന്കുട്ടി. വിഷയം ഉള്പ്പെടുത്തി രണ്ട് വര്ഷത്തിനകം പുതിയ പാഠപുസ്തകം പുറത്തിറക്കുമെന്നും മന്ത്രി അറിയിച്ചു. കേന്ദ്ര വിദ്യാഭ്യാസമന്ത്രി ധര്മേന്ദ്ര പ്രധാനുമായി നടത്തിയ കൂടിക്കാഴ്ചക്ക് ശേഷമായിരുന്നു മന്ത്രിയുടെ പ്രതികരണം.
സ്കൂളുകളില് മൊബൈല് ഫോണ് ഉപയോഗം വര്ധിച്ചുവരികയാണ്. ഇത് തടയാന് ആവശ്യമായ നടപടികള് സ്വീകരിക്കും. മിക്സ്ഡ് സ്കൂള് പ്രോത്സാഹിപ്പിക്കുമെന്നും മന്ത്രി പറഞ്ഞു. കേന്ദ്ര മന്ത്രിയുമായി നടത്തിയ ചര്ച്ചയില് ഉച്ചഭക്ഷണ വിതരണത്തിന് 100 കോടി അനുവദിക്കണമെന്ന് ആവശ്യപെട്ടു. സ്കൂള് പാചകതൊഴിലാളികളുടെ ശമ്പളം വര്ധിപ്പിക്കാന് നിവേദനം നല്കി -മന്ത്രി വ്യക്തമാക്കി.
