കൊച്ചി: അവധിക്കാല ക്ലാസുകള് വിലക്കിയ സംസ്ഥാന പൊതുവിദ്യാഭ്യാസ വകുപ്പിന്റെ ഉത്തരവ് കേരള ഹൈക്കോടതി സ്റ്റേ ചെയ്തു. രണ്ടാഴ്ചത്തെക്കാണ് സര്ക്കാര് ഉത്തരവ് ഹൈക്കോടതി സ്റ്റേ ചെയ്തിരിക്കുന്നത്. ചൂടിനെ പ്രതിരോധിക്കാന് ആവശ്യമായ സൗകര്യങ്ങള് ഒരുക്കി ക്ലാസുകള് നടത്താമെന്ന് കോടതി ഉത്തരവില് വ്യക്തമാക്കി. വിദ്യാര്ത്ഥികളുടെ ഗുണത്തിനാണ് വെക്കേഷന് ക്ലാസുകളെന്ന് നിരീക്ഷിച്ചാണ് കോടതിയുടെ തീരുമാനം.
എല്.പി. മുതല് ഹയര് സെക്കന്ററി വരെയുള്ള എല്ലാ സ്കൂളുകളിലും സിബിഎസ്ഇ സ്കൂളുകളിലെയും ക്ലാസുകള് പൂര്ണമായി നിരോധിച്ചാണ് പൊതുവിദ്യാഭ്യാസ വകുപ്പ് ഉത്തരവിറക്കിയത്. വേനലവധിക്ക് കുട്ടികളെ പഠനത്തിനും ഇത്തരം കാമ്പുകള്ക്കും നിര്ബന്ധിക്കരുതെന്നാണ് പൊതുവിദ്യാഭ്യാസ വകുപ്പ് ഉത്തരവില് പറഞ്ഞിരുന്നത്.
