വൈപ്പിന്‍ : തീരക്കടലില്‍ ഇപ്പോള്‍ കത്തിച്ചാളയുടെ ചാകരക്കാലമാണ്. പുലര്‍ച്ചെ നാലിനു കടലിലേക്ക് പോകുന്ന മത്സ്യത്തൊഴിലാളികള്‍ വലയും വഞ്ചിയും കത്തിച്ചാള നിറച്ചാണ് കരക്കടുക്കുന്നത്. സാധാരണ ചാളയുടെ രൂപമാണെങ്കിലും അല്പം പരന്നതായതിനാല്‍ ചിലയിടങ്ങളില്‍ ഇതിനെ വട്ടച്ചാളയെന്നും പറയും. ഈ വര്‍ഷം കത്തിച്ചാളയുടെ സാന്നിധ്യം കൊച്ചിയുടെ തീരങ്ങളില്‍ കൂടുതലാണെന്ന് മത്സ്യത്തൊഴിലാളികള്‍ പറയുന്നു. ലഭ്യത കൂടിയതോടെ മത്സ്യത്തിന്‍റെ വിലയിലും കുറവുണ്ടായിട്ടുണ്ട്. ഹാര്‍ബറില്‍ 20 മുതല്‍ 30 രൂപ വരെയാണ് വില.മത്സ്യത്തീറ്റയ്ക്കായി മീന്‍ പൊടിക്കാനും കൊണ്ടുപോകുന്നുണ്ട്. തമിഴ്നാട്ടിലെ ഇത്തരം ഫാക്ടറികളിലേക്ക് ഇവ എത്തിക്കാന്‍ കൊച്ചിയില്‍ നിരവധി ഏജന്‍സികള്‍ പ്രവര്‍ത്തിക്കുന്നുണ്ട്.
