മല്ലപ്പള്ളി : ചാലാപ്പള്ളി വലിയകുന്നം അന്നപൂർണേശ്വരി ദേവി ക്ഷേത്രത്തിലെ പൂര മഹോത്സവത്തിന് വെള്ളിയാഴ്ച കൊടികയറും. രാവിലെ 7.30 -ന് തന്ത്രി പറമ്പൂരില്ലത്ത് രാകേഷ് നാരായണൻ ഭട്ടതിരി കൊടികയറ്റും. എല്ലാ ദിവസവും പറ, അൻപൊലി വഴിപാട് നടക്കും. ഫെബ്രുവരി 16 രാവിലെ 11.30 -ന് ഉത്സവബലി ദർശനം നടക്കും. 17ന് രാവിലെ എട്ടിന് മൂലസ്ഥാനം ഭദ്രകാളിക്കാവിൽ പൂജകൾ നടത്തും. വൈകീട്ട് 7.30 -ന് കളമെഴുതിപ്പാട്ട്.പത്തിന് കുരുതി നടത്തും. 10.30 -ന് പള്ളിവേട്ടക്ക് എഴുന്നള്ളിക്കും. 18ന് വൈകീട്ട് മൂന്നരയ്ക്ക് കൊടിയിറക്കി ആറാട്ടിനെഴുന്നള്ളിക്കും. ആറാട്ട് വരവേൽപ്പ്, സോപാന സംഗീതം എന്നിവയോടെ ഉത്സവം സമാപിക്കുമെന്ന് ക്ഷേത്രം ഭാരവാഹികള്‍ പത്ര സമ്മേളനത്തില്‍ അറിയിച്ചു.
