തിരുവനന്തപുരം: വന്ദേഭാരത് എക്സ്പ്രസിന്റെ ആദ്യ ആഴ്ചയിലെ വരുമാനകണക്കുകള് പുറത്ത്. ടിക്കറ്റിനത്തില് ആറ് ദിവസം കൊണ്ട് 2.7 കോടി രൂപയാണ് ലഭിച്ചത്. ഏപ്രില് 28 മുതല് മേയ് 3 വരെയുള്ള കണക്കാണ് പുറത്തുവന്നിരിക്കുന്നത്. കാസര്ഗോഡ് നിന്ന് തിരുവനന്തപുരത്തേക്കുള്ള ട്രിപ്പിനാണ് ഏറ്റവും കൂടുതല് വരുമാനം ലഭിച്ചിരിക്കുന്നത്. 1.17 കോടി. തിരുവനന്തപുരത്ത് നിന്ന് കാസര്ഗോഡേക്കുള്ള ട്രിപ്പിന് 1.10 കോടിയാണ് ലഭിച്ചത്.
കാസര്ഗോഡ് നിന്ന് തിരുവനന്തപുരത്തേക്കുമാണ് വന്ദേഭാരത് എക്സ്പ്രസ് സര്വീസ് നടത്തുന്നത്. ഈ കാലയളവില് വന്ദേഭാരത് എക്സ്പ്രസിന് 31,412 ബുക്കിംഗാണ് ലഭിച്ചത്. ഇതുവരെ 27,000 പേര് യാത്ര ചെയ്തിട്ടുണ്ട്. ഏറ്റവും കൂടുതല് യാത്രക്കാരുള്ളത്. 1128 സീറ്റുകളുള്ള ട്രെയിനില് എക്സിക്യുട്ടീവ് ക്ലാസിലാണ്. മേയ് 14 വരെയുള്ള ടിക്കറ്റുകള് എല്ലാം തന്നെ യാത്രക്കാര് ബുക്ക് ചെയ്തിട്ടുണ്ട്. റെയില്വെ അധികൃതരാണ് ഇതുമായി ബന്ധപ്പെട്ട കണക്ക് പുറത്തുവിട്ടത്.
