റാന്നി : കേരള സർക്കാർ ജനക്ഷേമ പദ്ധതിയായ വാതിൽപ്പടി സേവനത്തിന്റെ, റാന്നി ബ്ലോക്കിലെ പഞ്ചായത്തുതല പരിപാടി നാളെ തുടങ്ങും, വടശേരിക്കര പഞ്ചായത്തിലാണ് രാവിലെ 9.30 മുതൽ ഉച്ചയ്ക്ക് 2.30 വരെ ആദ്യ ക്ലാസ്. പഞ്ചായത്ത് വാർഡ് തല സമിതി പ്രവർത്തകർ, മെമ്പർമാർ, സന്നദ്ധ സംഘടനാ പ്രവർത്തകർ, ആശാ വർക്കർ, വാളണ്ടിയേഴ്സ് ഉദ്യോഗസ്ഥർ എന്നിവർക്കാണ് കിലയിൽ നിന്നും പരിശീലനം നൽകുന്നത്. ജൂൺ 21 ചൊവ്വ അങ്ങാടി, 22 ബുധൻ പഴവങ്ങാടി, 23 വ്യാഴം ചിറ്റാർ, 24 വെള്ളി സീതത്തോട്, 25 ശനി പെരുനാട് , 27 തിങ്കൾ റാന്നി, 28 ചൊവ്വ വെച്ചുച്ചിറ, 29. ബുധൻ നാറാണംമൂഴി എന്നീ പഞ്ചായത്തുകളിൽ രാവിലെ 9.30 മുതൽ, യഥാക്രമം പരിശീലനം സജ്ജീകരിച്ചിട്ടുണ്ടെ ന്ന് കില റാന്നിബ്ലോക്ക് കോർഡിനേറ്റർ വി.കെ രാജഗോപാൽ അറിയിച്ചു.
