തിരുവനന്തപുരം : ഡി.വൈ.എഫ്.ഐ – യുവമോര്ച്ച സംഘര്ഷം നിലനില്ക്കുന്ന വട്ടിയൂര്ക്കാവ് പോലീസ് സ്റ്റേഷന് പരിധിയില് പ്രതിഷേധ പ്രകടനങ്ങള്ക്കും യോഗങ്ങള്ക്കും നിരോധനം. ഡി.വൈ.എഫ്.ഐ ജില്ലാ പ്രസിഡന്റ് വി.അനൂപിന് മര്ദനമേറ്റതില് പ്രതിഷേധിച്ച് വൈകിട്ട് അഞ്ചിന് മണികണ്ഠേശ്വരത്ത് പ്രതിഷേധയോഗം ചേരാനിരിക്കെയാണ് നിരോധന ഉത്തരവ്. ഏഴുദിവസത്തേക്ക് പ്രതിഷേധപരിപാടികള് വിലക്കിയാണ് സിറ്റി പോലീസ് കമ്മീഷണര് ഉത്തരവിറക്കിയിരിക്കുന്നത്.
നിരോധന ഉത്തരവിന്റെ പേരില് യോഗം മാറ്റിവെയ്ക്കില്ലെന്നും വട്ടിയൂര്ക്കാവ് സ്റ്റേഷന് പരിധിക്ക് പുറത്തുവെച്ച് യോഗം നടത്തുമെന്നും ഡി.വൈ.എഫ്.ഐ അറിയിച്ചു. അനൂപിനെ ആക്രമിച്ച കേസില് കസ്റ്റഡിയിലെടുത്ത ആര്.എസ്.എസുകാരനെ പോലീസ് വിട്ടയച്ചത് വിവാദമായിരുന്നു. സിറ്റി പോലീസ് കമ്മീഷണറെ ഉന്നത ബിജെപി നേതാവ് വിളിച്ചതിന്റെ അടിസ്ഥാനത്തിലാണ് കസറ്റഡിയിലെടുത്തയാളെ വിട്ടതെന്നാണ് ആക്ഷേപം.
