ആറ്റിങ്ങല്‍ : ചാരായം വാറ്റിയ കേസില്‍ മൂന്നുപേര്‍ പിടിയില്‍ . നെടുങ്കണ്ട് ഒന്നാംപാലം കൈമുണ്ടന്‍വിളാകം വീട്ടില്‍ ബിനു (ജിത്തു-36), ആറ്റിങ്ങല്‍ ഊരുപൊയ്ക മേലേകക്കാട്ടുവിളവീട്ടില്‍ ആര്‍.നിധിന്‍രാജ് (കൊച്ചുകുട്ടന്‍-29), ഊരുപൊയ്ക മേലേകക്കാട്ടുവിളവീട്ടില്‍ ബി.ദീപു (കണ്ണന്‍-27) എന്നിവരെയാണ് ആറ്റിങ്ങല്‍ പോലീസ് അറസ്റ്റുചെയ്തത്. മൂന്ന് ലിറ്റര്‍ ചാരായവും 70 ലിറ്റര്‍ കോടയും വാറ്റുപകരണങ്ങളും പ്രതികളുടെ പക്കല്‍നിന്നു കണ്ടെടുത്തിട്ടുണ്ട്. ഇടയ്‌ക്കോട് ആലയില്‍മുക്ക് അങ്കണവാടിക്കു സമീപം വാറ്റ് നടത്തുന്നതിനിടയിലാണ് പോലീസെത്തി ഇവരെ പിടികൂടിയത്. അറസ്റ്റുചെയ്ത പ്രതികളെ കോടതിയില്‍ ഹാജരാക്കി.
