തിരുവനന്തപുരം : മലയാളികള്ക്ക് വര്ഷങ്ങളായി സേവനം ചെയ്യുന്ന വ്യക്തിയാണ് വാവ സുരേഷ്. പാമ്പിനെ പിടിക്കുക മാത്രമല്ല പാമ്പിന് മുട്ടകളെ വീട്ടില് വിരിയിച്ചു കാട്ടില് വിടുകയും ഇദ്ദേഹം ചെയ്യുന്നുണ്ട്. മാളങ്ങളില് നിന്ന് പാമ്പിനെ പിടികൂടുമ്പോള് ചിലപ്പോള് മുട്ടകളും കിട്ടാറുണ്ട്. അതിനെ വീട്ടില് കൊണ്ടുവന്ന് വിരിയിച്ച് കാട്ടില് കൊണ്ടു പോയി വിടുകയാണ് ചെയ്യുന്നത്.
ഇരുപതിനായിരത്തിലേറെ പാമ്പിന് മുട്ടകളെ തന്റെ വീട്ടില് വാവ സുരേഷ് വിരിയിച്ചിട്ടുണ്ട്. എല്ലാ വര്ഷവും അത് തുടരുന്നു. ഇത്തവണ തന്റെ വീട്ടില് വിരിയിച്ചത് മൂർഖൻ കുഞ്ഞുങ്ങളെയാണ്. വിരിഞ്ഞ കുഞ്ഞുങ്ങള്ക്ക് ഇരുപത് മുതല് മുപ്പത് സെന്റീമീറ്റര് വരെ നീളം കാണും. വിഷ ഗ്രന്ഥികളുമായാണ് മൂര്ഖന് കുഞ്ഞുങ്ങളുടെ ജനനം. അതിനാല് മൂര്ഖന് കുഞ്ഞുങ്ങള്ക്ക് ഒരാളെ കൊല്ലാന് വളരെ പെട്ടെന്ന് സാധിക്കും. മൂര്ഖന് പാമ്പുകള് സാധാരണയായി പത്തു മുതല് മുപ്പതു മുട്ടകള് വരെ ഇടാറുണ്ട്. നാല്പത്തിയെട്ടു മുതല് അറുപത്തൊന്പതു ദിവസങ്ങള്ക്ക് ശേഷമാണ് മുട്ട വിരിയുന്നത്.