ചിറ്റാർ : വയ്യാറ്റുപുഴയിൽ വീട്ടിൽ നിന്ന് കാണാതായ ആളെ ദിവസങ്ങൾ നീണ്ട തിരച്ചിലിനൊടുവിൽ കൃഷിയിടത്തിൽ തൂങ്ങി മരിച്ച നിലയിൽ കണ്ടെത്തി. വയ്യാറ്റുപുഴ പുതുപ്പറമ്പിൽ വീട്ടിൽ തങ്കപ്പൻ ആചാരി(74)യെയാണ് മരിച്ച നിലയിൽ കണ്ടെത്തിയത്. കഴിഞ്ഞ പതിനെട്ടാം തീയതി ഉച്ച മുതൽ ഇയാളെ കാണാനില്ലെന്ന് കാട്ടി ബന്ധുക്കൾ ചിറ്റാർ പോലീസിൽ പരാതി നൽകിയിരുന്നു. തുടർന്ന് ചിറ്റാർ പോലീസ് കേസ് രജിസ്റ്റർ ചെയ്ത് അന്വേഷണം നടത്തി വരുകയായിരുന്നു. ഒൻപത് ദിവസങ്ങൾ നീണ്ട തിരച്ചിലിനൊടുവിൽ വനത്തിനോട് ചേർന്ന സ്വന്തം കൃഷിയിടത്തിൽ തൂങ്ങി മരിച്ച നിലയിൽ ഇദ്ദേഹത്തെ കണ്ടെത്തുകയായിരുന്നു. മൃതദേഹം ജീർണ്ണാവസ്ഥയിലായിരുന്നു. കുടുംബ പ്രശ്നങ്ങളാകാം മരണകാരണമെന്ന് സംശയിക്കുന്നു. ഭാര്യ – കമലാക്ഷിയമ്മ, മകൻ – സഹളാക്ഷൻ, മകൾ – ശോഭ
