ചിറ്റാർ: സംസ്ഥാനത്ത് കോവിഡ് 19ന്റെ രണ്ടാം ഘട്ട രോഗവ്യാപനം രൂക്ഷമായ സാഹചര്യത്തിൽ രോഗവ്യാപനം തടയുന്നതുമായി ബന്ധപ്പെട്ട് സർക്കാരിന്റെ പ്രവർത്തനങ്ങളിൽ പങ്കാളിയാകുന്നതിന് വയ്യാറ്റുപുഴ സർവ്വീസ് സഹകരണ ബാങ്ക് തീരുമാനിച്ചു. മുഖ്യമന്ത്രിയുടെ ദുരിതാശ്വാസ നിധിയിലേക്ക് ബാങ്കിന്റെ വകയായി 1 ലക്ഷം രൂപയും ജീവനക്കാരുടെ വിഹിതമായ 9725 രൂപയും ഉൾപ്പെടെ 109725 രൂപ സെക്രട്ടറിയുടെ കയ്യിൽ നിന്നും ബാങ്ക് പ്രസിഡന്റ് ബിജു പടനിലം ഏറ്റുവാങ്ങി.
കോവിഡ് ആരംഭത്തിൽ ബാങ്ക് 385626 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയിരുന്നു. ആകെ 495351 രൂപ ബാങ്ക് മുഖ്യമന്ത്രിയുടെ കോവിഡ് ദുരിതാശ്വാസ നിധിയിലേക്ക് സംഭാവന ചെയ്തു. ബാങ്ക് ഡയറക്ടർ ബോർഡംഗങ്ങളായ മോഹനൻ പൊന്നുപിള്ള, എൻ രജി എന്നിവർ സന്നിഹിതരായിരുന്നു.
