തിരുവനന്തപുരം : ഗുജറാത്ത് മോഡല് വികസനം പഠിക്കാന് കേരളത്തില് നിന്നുള്ള സംഘം അഹമ്മദാബാദിലേക്ക് പോയതിനെതിരെ വിമര്ശനവുമായി പ്രതിപക്ഷ നേതാവ് വി.ഡി സതീശന്. പകല് ബി.ജെ.പി വിരോധം പറയുകയും രാത്രിയാകുമ്പോള് സംഘ് പരിവാറുമായി സന്ധി ചേരുകയും ചെയ്യുന്ന നിലപാടാണ് സി.പി.എമ്മിന്റേത് എന്നു വിമര്ശിച്ച സതീശന് മോദിയുടെ സദ്ഭരണം പഠിക്കാന് പിണറായി ഇനി എന്നാണ് ഡല്ഹിയിലേക്ക് പോകുന്നതെന്നു കൂടി അറിഞ്ഞാല് മതിയെന്നും പരിഹസിച്ചു.
ഗുജറാത്തില് സദ്ഭരണമാണ് നടക്കുന്നതെന്നാണ് മുഖ്യമന്ത്രിയുടെ കണ്ടെത്തലെന്ന് വി.ഡി സതീശന് കുറ്റപ്പെടുത്തി. ആ സദ്ഭരണം പഠിക്കുന്നതിന് ചീഫ് സെക്രട്ടറിയെ ഗുജറാത്തിലേക്ക് അയച്ചിരിക്കുകയാണ്. മോദിയുടെ സദ്ഭരണം പഠിക്കാന് പിണറായി ഇനി എന്നാണ് ഡല്ഹിയിലേക്ക് പോകുന്നതെന്നു കൂടി അറിഞ്ഞാല് മതി.
