തിരുവനന്തപുരം: മന്ത്രി ആണെങ്കിലും സാധാരണക്കാരന് ആണെങ്കിലും കുറ്റം ചെയ്താല് കേസ് എടുക്കണമെന്ന് പ്രതിപക്ഷ നേതാവ് വി ഡി സതീശന്.
സജി ചെറിയാന് മന്ത്രി സ്ഥാനം മാത്രമല്ല എംഎല്എ സ്ഥാനം കൂടെ രാജിവെക്കണം. കേസ് എടുക്കണമെന്ന് പ്രതിപക്ഷം നേരത്തെ ആവശ്യപ്പെട്ടിരുന്നു. കോടതി അത് അംഗീകരിച്ചിരിക്കുന്നുവെന്നും അദ്ദേഹം പറഞ്ഞു. ഇ പി ജയരാജനെതിരെ കേസ് എടുക്കാത്തത് ഇരട്ട നീതിയാണെന്ന് വി ഡി സതീശന് കുറ്റപ്പെടുത്തി. ഇ പി മര്ദിക്കുന്നത് ദൃശ്യങ്ങളില് വ്യക്തമാണ്. നിയമപരമായ വഴികള് തേടുമെന്ന് അദ്ദേഹം കൂട്ടിച്ചേര്ത്തു.
വിമാനത്തില് പ്രതിഷേധിച്ച യൂത്ത് കോണ്ഗ്രസുകാരെ മര്ദിച്ച ഇ പി ജയരാജനെതിരെ കേസെടുക്കില്ലെന്ന് മുഖ്യമന്ത്രി നിയമസഭയില് രേഖാമൂലം അറിയിച്ചു. മുഖ്യമന്ത്രിയെ ആക്രമിക്കാന് ശ്രമിച്ചപ്പോള് ജയരാജന് തടയാന് ശ്രമിക്കുകയായിരുന്നു. കോടതിയിലോ പോലീസിലോ ഇത്തരം ആരോപണം ഉന്നയിക്കപ്പെട്ടിട്ടില്ല. കുറ്റകൃത്യത്തിന്റെ ഗൗരവം കുറക്കാനാണ് പ്രതികളുടെ നീക്കമെന്നും മുഖ്യമന്ത്രി പറഞ്ഞു.
